Premi Fischhof
Kampagnen
Dunna Nanny Fischhof-Barth barmiera (1901–1997) ha regalà ina summa considerabla a la Fundaziun cunter il rassissem e l’antisemitissem GRA. Ella ha fatg quai en memoria da ses consort trapassà Erich Fischhof che ha chattà refugi en Svizra sco fugitiv gidieu, però era sa regurdond da sia sora ch'è vegnida assassinada dals nazis. A quella han las autoritads svizras refusà da turnar en ses lieu d'origin Turitg, perquai ch'ella aveva pers la naziunalitad svizra cun maridar in ester. En il rom d'ina occurrenza festiva vegn surdà mintga dus onns il premi Fischhof (CHF 50’000.-) a persunalitads u ad instituziuns en Svizra che han cumbattì il rassissem en general e l'antisemitissem en spezial..Enfin uss han las suandantas persunas survegnì il premi (stadi dal 2007):
l’activista per ils dretgs umans dr. h.c. Anni Lanz e prof. dr. Georg Kreis, president da la Cumissiun federala cunter il rassissem (10/2007), il president da la FIFA Joseph S. Blatter ed il cusseglier naziunal Paul Rechsteiner (2005), il cusseglier federal Kaspar Villiger (2003), il president da la citad da Turitg Josef Estermann e dr. Rolf Bloch (2001), il cusseglier federal Flavio Cotti (1999), la cussegliera naziunala Cécile Bühlmann e la cussegliera naziunala dr. Lili Nabholz-Haidegger (1997), la cussegliera naziunala Rosmarie Dormann e l’autur Peter Hirsch-Surava (1995), la cussegliera naziunala Verena Grendelmeier e l’autur Jürg Frischknecht (1994), l’autur dr. h.c. Alfred A. Häsler ed il cineast Rolf Lyssy (1992).
